Հանդիպում Դեսպան Նարեկ Մկրտչեանի եւ Ռամկավար Ազատական Կուսակցութեան պատուիրակութեան միջեւ՝ Ալթատենայի մէջ

Մարտ 6-ին, Գալիֆորնիա կատարած աշխատանքային այցելութեան ընթացքին, Դեսպան Նարեկ Մկրտչեան Ալթատենայի մէջ՝ Թէքէեան Մշակութային Կեդրոնին մէջ, հանդիպում ունեցաւ Ռամկավար Ազատական Կուսակցութեան Կեդրոնական Վարչութեան եւ ԱՄՆ Արեւմտեան Ափի Շրջանային Յանձնաժողովի ներկայացուցիչներուն, ինչպէս նաեւ համայնքային ղեկավարներուն հետ։ Հանդիպումին ներկայ էր նաեւ Հայաստանի Հանրապետութեան Գլխաւոր Հիւպատոսը Լոս Անճելըսի մէջ՝ Աննա Աւետիսեան։ Քննարկումները կեդրոնացած էին Հայաստան–ԱՄՆ երկկողմանի օրակարգին եւ վերջին զարգացումներուն վրայ։