Անկախութեան 28-րդ տարեդարձի կապակցութեամբ 21 սեպտեմբերին քաղաքական վերնախաւը այցելած է «Եռաբլուր» զինուորական պանթէոն, յարգանքի տուրք մատուցելու անկախութեան համար նահատկներու յիշատակին:
«Եռաբլուր» այցելած են են Հայաստանի վարչապետ Նիկոլ Փաշինեան, ՀՀ նախագահ՝ Արմէն Սարգսեան, Արցախի նախագահ Բակօ Սահակեան, Գարեգին Բ-ն, ԱԺ նախագահ՝ Արարատ Միրզոյեան, պաշտպանութեան նախարար՝ Դաւիթ Տոնոյեան, Անվտանգութեան խորհրդի քարտուղար Արմէն Գրիգորեան, փոխվարչապետներ՝ Մհեր Գրիգորեան, Տիգրան Ավինեանը, գլխաւոր շտապի պետ Արտակ Դաւթեան, կառավարութեան անդամներ ու պատգամաւորներ:
Անոնք ծաղիկներ դրած են սպարապետ Վազգէն Սարգսեանի, Անդրանիկ Օզանեանի շիրիմներուն վրայ եւ ծաղկեպսակ՝ նահատակ ազատամարտիկներու յիշատակը յաւերժացնող յուշահամալիրին:
Նշենք, որ այս տարի Անկախութեան օրուայ հիմնական միջոցառումները տեղի կ’ունենան Գիւմրիի մէջ: Վարչապետը այսօր պիտի մեկնի ԱՄՆ:
