ՀՀ-ի մէջ UNICEF-ի ներկայացուցիչ Մարին Քլարք-Հաթթինկը մեկնած է Հայաստանէն: «Արմէնփրէս»-ին այս մասին տեղեկացուցած է ԵՈՒՆԻՍԷՖ-ի Հայաստանի ներկայացուցչութեան Հաղորդակցման ծրագրերու ղեկավար Զառա Սարգսեանը:
«Գրասենեակը շարունակում է իր բնականոն աշխատանքը, սպասում ենք ժամանակաւոր պաշտօնակատարին»,֊ ըսած է Զառա Սարգսեանը։
ՀՀ ԱԳՆ մամուլի խօսնակ Աննա Նաղդալեանն աւելի վաղ նշած էր, որ հայկական կողմի համար խնդրայարոյց եղած է ՀՀ-ի մէջ UNICEF-ի ներկայացուցիչ Մարին Քլարք-Հաթթինկի` իր մանտաթի իրականացման գործին մէջ թերացումները եւ ոչ համագործակցային աշխատելաոճը, ուստի ՀՀ կառավարութեան կողմէ որոշում կայացուած է դադրեցնել Քլարք-Հաթթինկի պաշտօնավարումը որպէս Հայաստանի մէջ UNICEF ներկայացուցիչ: Որոշման մասին ՄԱԿ-ի Մշտական Համակարգողը ու UNICEF-ի ներկայացուցիչները տեղեկացուած են:
Լրատուամիջոցներուն մէջ տեղեկութիւն տարածուած էր, որ ԵՈՒՆԻՍԷՖ-ի հայաստանեան գրասենեակի ղեկավարը լրտեսութիւն ըրած է Ատրպէյճանի եւ Մեծ Բրիտանիոյ օգտին: Դատախազութիւնն ալ նշած էր, որ տուեալներ չունի ՀՀ-ի մէջ ԵՈւՆԻՍԷՖ-ի ներկայացուցիչ Մարիան Քլարք-Հաթթինկի` Ատրպէյճանի եւ Մեծ Բրիտանիոյ օգտին լրտեսութիւն իրականացնելու վերաբերեալ, սակայն կ’ուսումնասիրէ անոր վերաբերեալ հրապարակումները:
