ՀՀ ԱԳՆ յայտարարութիւնը Ատրպէյճանի կողմէ 17 հոկտեմբերին համաձայնուած մարդասիրական զինադադարի խախտման վերաբերեալ հանդէս եկած է յայտարարութեամբ․
«Արցախի Հանրապետութեան Պաշտպանութեան բանակը յայտնած է, որ Ատրպէյճանի զինուած ուժերը հերթական անգամ կոպտօրէն խախտած են նոր մարդասիրական զինադադարը, եւ 18 հոկտեմբերին ժամը 07:20-ին հրետանային ուժգին կրակէ ետք բարենպաստ դիրքեր գրաւելու նպատակով յարձակում ձեռնարկած է հարաւային ուղղութեամբ:
Ատրպէյճանը արդէն երկրորդ անգամ կը խախտէ ԵԱՀԿ Մինսքի խումբի համանախագահող երկրի ղեկավարի անձնական միջամտութեամբ ձեռք բերուած պայմանաւորուածութիւնը կրակի դադարեցման վերաբերեալ՝ այդպիսով միջազգային հանրութեան ի ցոյց դնելով իր ուխտադրուժ էութիւնը, որուն հետ մենք գործ ունինք արդէն տասնամեակներ:
Հայաստանը պիտի շարունակէ ձեռնարկել բոլոր անհրաժեշտ միջոցները պարտադրելու Ատրպէյճանին խաղաղութիւն եւ հաստատելու կրակի դադարեցման ռեժիմ՝ տեղուոյն վրայ այդ ռեժիմի պահպանման եւ ստուգման յստակ եւ գործուն մեխանիզմներու ներդրման հետ մէկտեղ»:
