Ատրպէյճանական կողմը կը շարունակէ իր թշնամական գործողութիւնները հայ-ատրպէյճանական սահմանին` դիտաւորեալ թիրախաւորելով քաղաքացիական ենթակառուցուածքներն ու բնակչութիւնը եւ ընդլայնելով լարուածութեան աշխարհագրութիւնը:Այս մասին ըսած է ՀՀ ԱԳՆ խօսնակ Աննա Նաղդալեան` մեկնաբանելով Ատրպէյճանի ԶՈՒ կողմէ Բերդ քաղաքի հրետանակոծման փաստը:
«Այսօր հարուածային ԱԹՍ-ի միջոցով հրետանակոծման ենթարկուած է Բերդ քաղաքի քաղաքացիական ենթակառուցուածքները:
ՀՀ քաղաքացիական բնակչութեան անվտանգութեան դէմ ուղղուած այս թշնամական գործողութիւնները պիտի ստանան իրենց համարժէք պատասխանը, որուն ողջ պատասխանատւութիւնը կը կրէ ատրպէյճանական կողմը», — ըսուած է ԱԳՆ խօսնակի տարածած յայտարարութեան մէջ։
