Մարդկութեան կը սպասուի համաշխարհային նոր ջրհեղեղ: Այս մասին յայտարարած է Հռոմի Ֆրանչիսկոս պապը: Անոր խօսքերով՝ աղէտը տեղի պիտի ունենայ, եթէ տարբեր երկիրներու առաջնորդները քայլեր չձեռնարկեն համաշխարհային տաքացման դէմ պայքարին:
«Այն տեղի պիտի ունենայ, եթէ մենք շարունակենք քալել նոյն ճանապարհով»,- Հռոմի պապին խօսքը մէջբերած է Corriere della Sera-ն:
Ան յիշեցուցած է, որ Նոյը յաջողեցաւ վերապրիլ ջրհեղեղը բարեգործութեան շնորհիւ: Քաղաքացիներուն ու քաղաքական գործիչներուն Հռոմի պապը խելամտութեան կոչ ըրած է՝ նշելով, որ պէտք է ականջալուր ըլլալ աշխարհի խնդիրներուն:
