ՄԱԿ-ի մարդասիրական աջակցութիւնը մինչ օրս հասանելի չէ Լեռնային Ղարաբաղի ժողովուրդին, յայտարարած է վարչապետ Նիկոլ Փաշինեան՝ ընդունելով Հայաստանի մօտ ՄԱԿ-ի մշտական համակարգող՝ Շոմպի Շարփը, որ կ’աւարտէ իր առաքելութիւնը։
Փաշինեան միեւնոյն ժամանակ կարեւորած է ՄԱԿ-ի օժանդակութիւնը Հայաստանին՝ «Քորոնա» ժահրի համավարակի հետեւանքները յաղթահարելու գործով։
Բարձր գնահատելով Հայաստանի կառավարութեան հետ համագործակցութիւնը՝ Շոմպի Շարփ ընդգծած է, որ ՄԱԿ-ը կը շարունակէ մնալ Հայաստանի եւ հայ ժողովուրդի կողքին, աջակցիլ բարեփոխութիւններու իրագործման եւ բարդ մարտահրաւէրներու յաղթահարման:
Զրուցակիցները մտքեր փոխանակած են նաեւ ՀՀ-ՄԱԿ գործընկերութեան, տարածաշրջանի խաղաղութեան եւ կայունութեան օրակարգի շուրջ:
