ANNA News Military-ի ռազմական թղթակից՝ Ալեքսանտր Խարչենքոն բացառիկ տեսանիւթ պատրաստած է Արցախէն, ուր կը ներկայացնէ 4 նոյեմբերին Շուշիի համար մղուող մարտերը:
Տեսանիւթին մէջ նշուած է, որ հարիւրաւոր արկեր կ’իյնան Շուշի քաղաքի վրայ ի հեճուկս երկու երկիրներու միջեւ Ժընեւի մէջ ձեռք բերուած պայմանաւորուածութիւններուն, որ քաղաքացիական բնակչութիւնը պիտի չհարուածեն:
«Շուշին բառացիօրէն կ’ոչնչացնեն: Կրակի տակ են քաղաքացիական ենթակառուցուածքները: Արցախի ՊԲ-ն կը զսպէ հակառակորդի յարձակումը քաղաքէն հարաւ ինկած հատուածով»,-ըսած է թղթակիցը:
ՊԲ զինծառայողներէն մէկուն խօսքով, թշնամին իրենց դիրքերէն 3-4 քմ հեռաւորութեան վրայ է. «Ամէն ինչ սկսած է գիշերը ժամը 3-ին: Արկերու մեծ մասը ուղղուած են քաղաք: Այս մեր հողն է եւ մենք մինչեւ արեան վերջին կաթիլը պիտի կանգնինք»:
