Արցախի պաշտպանութեան բանակը կը տեղեկացնէ, որ 31 Յուլիսին՝ ժամը 11:30-ի սահմաններուն, որոնողական աշխատանքներու շնորհիւ, հիւսիսային ուղղութեամբ տեղակայուած զօրամասերէն մէկու մշտական տեղակայման վայրէն 2,5 քմ հեռաւորութեան վրայ յայտնաբերուած է անյայտ հանգամանքներու մէջ զօրամասը լքած ՊԲ զինծառայող 1998-ի ծնունդ Պարգեւ Նուէրի Մարգարեանի դին:
«Դէպքի մանրամասները պարզելու համար կը կատարուի քննութիւն: Արցախի Հանրապետութեան պաշտպանութեան նախարարութիւնը կը կիսէ կորստեան ծանր վիշտը եւ իր զօրակցութիւնը կը յայտնէ մահացած զինծառայողի ընտանիքի անդամներուն, հարազատներուն ու ծառայակիցներուն»,- ըսուած է ՊԲ հաղորդագրութեան մէջ:
