Իսրայէլի նախագահ Ռեուվէն Ռիւլինը նոր դաշնային կառավարութիւն ձեւաւորելու մանտաթ յանձնած է գործող վարչապետ Բենիամին Նաթանիահույին: Այս մասին նախագահը յայտարարած է տեղի հեռուստատեսութեամբ՝ ընտրութիւններու արդիւնքով ամենաշատ ձայներ ստացած խոշորագոյն խմբակցութիւններու առաջնորդներ Նեթանիահուի եւ Պենի Կանցի հետ հանդիպումէն ետք:
«Կը տեղեկացնեմ, որ վարչապետ Նաթանիահուն մանտաթ ստացած է ինծմէ, թէեւ ան 61 ձայն չունի, որ անհրաժեշտ է դաշինք կազմելու համար: Անհրաժեշտ ձայներու քանակը չունի ո՛չ Կանցը, ո՛չ Նաթանիահուն: Նաթանիահուին աջակցած են Քնեսեթի պատգամաւորներէն 55-ը, Կանցին՝ 54-ը: Նաթանիահուի հնարաւորութիւնները աւելի մեծ են»,- մեկնաբանած է իսրայէլցի նախագահը:
Այժմ Նաթանիահուն 28 օր ունի դաշնային կառավարութիւն կազմելու շուրջ բանակցութիւններու համար: Անհրաժեշտութեան պարագային անոր յաւելեալ 2 շաբաթ կը տրամադրուի:
Յիշեցնենք, որ 17 սեպտեմբերին Իսրայէլի մէջ երկրի պատմութեան մէջ առաջին անգամ տեղի ունեցած են կրկնակի խորհրդարանական ընտրութիւններ:
