Նախագահ Արմէն Սարգսեանի տիկինը սրտի վիրահատութեան ենթարկուած է

ՀՀ նախագահ Արմէն Սարգսեանի կինը՝ Նունէ Սարգսեանը սրտի վիրահատութիւն տարած է։ Այս մասին 27 ապրիլին, ինսթակրամեան իր էջին գրած է ՀՀ նախագահ Արմէն Սարգսեանի կինը՝ Նունէ Սարգսեանը։ Ան, մասնաւորապէս, գրած է. «Վերջերս ունեցայ սրտի վիրահատութիւն Երեւանի Աստղիկ բժշկական կեդրոնի Սրտի վիրաբուժութեան բաժանմունքէն ներս։ Շնորհիւ վիրաբոյժ Մհեր Սասունիի, սրտաբան Կարինէ Սարգսեանի, անզգայացման (անեսթեզիոլոկ) Եւա Կրասնիկովայի, նուիրուած լաւագոյն բժիշկներու խումբի եւ կատարելապէս մասնագիտացուած բուժքոյրերու՝ իմ սիրտը վերականգնուեցաւ, հիմա ապաքինման ընթացքի մէջ է եւ ես հնարաւորութիւն ստացայ դարձեալ սկսելու իմ կեանքը։ Շնորհակալ եմ ամբողջ խումբին։ Շնորհակալ եմ նաեւ բոլորին, որոնք ուղարկեցին ծաղկեփունջեր, գիրքեր, բացիկներ, նամակներ եւ բարի մաղթանքներ, որն ինծի շատ օգնեց»։