ՀՀ վարչապետ Նիկոլ Փաշինեանը ծաղկեպսակ զետեղեց եւ յարգանքի տուրք մատուցեց Գիւմրիի Ամենափրկիչ եկեղեցւոյ բակին մէջ գտնուող երկրաշարժի անմեղ զոհերու յիշատակը յաւերժացնող յուշակոթողի մօտ։ «Արմէնբրես»-ի փոխանցմամբ` 1988թ. երկրաշարժի զոհերու յիշատակին յարգանքի տուրք մատուցեցին նաեւ Ազգային ժողովի պատգամաւորները:
«Անմեղ զոհերին, բարեգութ սրտերին» յուշակոթողի մօտ հոգեւոր դասի ներկայացուցիչները աղօթք հնչեցուցին զոհերու հոգիներու հանգստութեան համար: Վարչապետ Նիկոլ Փաշինեանը կարճ զրոյց ունեցաւ հաւաքուած գիւմրեցիներու հետ, որոնք յայտնեցին իրենց աջակցութիւնը վարչապետին:
Յարգանքի տուրքի արարողութեան ներկայ էին նաեւ Գիւմրիի քաղաքապետ Սամուէլ Բալասանեանը եւ վարչապետի աշխատակազմի ղեկավար Էտուարտ Աղաջանեանը:
