Հայաստանի Հանրապետութեան նախագահի տիկին Նունէ Սարգսեանը Մեսրոպ Մաշտոցի անուան հին ձեռագրերու գիտահետազօտական հիմնարկէն (Մատենադարան) ներս մասնակցած է Հայաստանի մէջ ԵՈՒՆԻՍԵՖ-ի գործունէութեան 25-ամեակին նուիրուած հանդիսաւոր միջոցառման:
25-ամեակին նուիրուած ձեռնարկի ընթացքին վկայագիրներ յանձնուած են ԵՈՒՆԻՍԵՖ-ի երկարամեայ աշխատակիցներուն, իսկ ՀՀ նախագահի տիկին Նունէ Սարգսեան ընտրուած է Հայաստանի մէջ երեխաներու իրաւունքներու արտակարգ պաշտպան:
ԵՈՒՆԻՍԵՖ-ը Հայաստանի մէջ գործունէութիւն սկսած է ծաւալելու 1994-էն եւ կ՛աջակցի Հայաստանի կառավարութեան` մշակելու եւ իրագործելու բարեփոխումներ` ուղղուած Հայաստանի երեխաներու իրաւունքներու պաշտպանութեան` յատուկ ուշադրութիւն դարձնելով ամենակարիքաւոր եւ խոցելի երեխաներուն:
