Ուքրանիոյ նախագահ Վոլոտիմիր Զելենսքին Ռատայի (Գերագոյն խորհուրդ) հաստատման ներկայացուցած է միաժամանակ երկու օրինագիծ՝ ռազմական դրութիւնը եւ համընդհանուր զօրահաւաքը երկարաձգելու մասին, գրած է ԹԱՍՍ-ը:
Ուքրանիոյ խորհրդարանը կողմ քուէարկած է ռազմական դրութեան եւ համընդհանուր զօրահաւաքի՝ 3 ամիսով երկարաձգման։
Ռազմական դրութեան եւ զօրահաւաքի գործողութեան ժամկէտը կը լրանայ 24 մայիսին:
«Ռատան քուէարկած է ռազմական դրութեան ժամկէտը 3 ամիսով՝ մինչեւ 23 օգոստոսը, երկարաձգելու օգտին։ Նաեւ երեք ամիսով երկարացուած է զօրահաւաքը»,- յայտնած է լրատուական գործակալութիւնը։
Ուքրանիոյ մէջ ռազմական դրութիւնը մտցուած է 24 փետրուարին եւ քանի մը անգամ երկարաձգուած է։ Նախորդ անգամ երկարաձգման ժամկէտը 90 օր էր։
