ՀՀ պաշտպանութեան նախարար Սուրէն Պապիկեան այցելած է Հայաստանի հանրապետութեան հարաւարեւելեան սահմանագօտի, ուր անոր զեկուցուած է սահմանագօտիի երկայնքով իրականացուած լայնածաւալ երկրաչափական, ամրաշինական աշխատանքներու մասին: Տեղեկութիւնը յայտնած է Պաշտպանութեան նախարարութեան մամուլի ծառայութիւնը։
«Մարտական հերթապահութիւն իրականացնող զօրամասի հրամանատարը ներկայացրել է իրադրութիւնն առաջնագծում: Պապիկեանը զրուցել է առաջնագծում պահպանութիւն իրականացնող ժամկէտային անձնակազմի հետ, զգօն ու անվտանգ ծառայութիւն մաղթել հայրենիքի պաշտպաններին»,– նշուած է հաղորդագրութեան մէջ։
Աւելի ուշ պաշտպանութեան նախարարն այցելած է զօրամասի ենթակայ ստորաբաժանումներէն մէկուն համար նոր կառուցուած մշտական տեղակայման վայր, շրջած է շինարարական հրապարակը, հետեւած կառուցապատման աշխատանքներուն: Զօրամասն ապահովուած պիտի ըլլայ յարմարաւէտ զօրանոցներով, շտաբային, թիկունքային, ճաշարանային շէնք-շինութիւններով, առանձին նշանակութեան ենթակառոյցներով:
Պապիկեան շինարարութեան պատասխանատուներուն յանձնարարած է յատուկ ուշադրութիւն դարձնել շինութիւններու անվտանգային նորմերուն, ռազմական սարքերու եւ սպառազինութեան պահման վայրերուն, ինչպէս նաեւ խստօրէն պահել շէնքերու ամրաշինական չափորոշիչները:
Զօրամասը նախատեսուած է շահագործման յանձնել այս տարուան երկրորդ կէսին:
