Ս. Փեթերսպուրկի մէջ Փաշինեան-Ալիեւ հանդիպում պիտի չըլլայ

Դեկտեմբեր 20-ին Հայաստանի վարչապետ Նիկոլ Փաշինեանը պիտի մեկնի Ս. Փեթեսպուրկ: Այնտեղ կայանալիք Եւրասիական տնտեսական բարձրագոյն խորհուրդի նիստին եւ ԱՊՀ մասնակից պետութիւններուն ոչ պաշտօնական գագաթնաժողովին Նիկոլ Փաշինեան-Իլհամ Ալիեւ հանդիպում նախատեսուած չէ, սակայն պիտի կայանայ պաշտօնական ընթրիք, որուն պիտի մասնակցին Հայաստանի վարչապետն ու Ատրպէյճանի նախագահը: Այս մասին «Ազատութեան» յայտնած է  վարչապետի մամուլի քարտուղար Վլատիմիր Կարապետեանը։ Վերջին հանդիպումը հոկտեմբերին կայացած էր Աշխապատի մէջ՝ ԱՊՀ-ի երկիրներու ղեկավարներու խորհուրդի նիստի շրջածիրէն ներս: Նախքան այդ, հանդիպում կայացած էր Մարտ 29-ին Վիեննայի մէջ: