Վահագն Խաչատուրեան՝ Հայաստանի Հանրապետութեան նախագահ

Հայաստանի Ազգային ժողովի պատգամաւորները այսօր ՀՀ նախագահի պաշտօնին ընտրեցին Վահագն Խաչատուրեանը: Հաշուիչ յանձնախմբի նախագահ Նարեկ Պատայեան յայտնեց, որ 71 կողմ, 0 դէմ, 0 ձեռնպահ ձայնով Խաչատուրեանը ընտրուած է նախագահի պաշտօնին: Նշենք, որ ընդդիմադիր պատգամաւորները չեն մասնակցած քուէարկութեան: Սա ՀՀ նախագահ ընտրելու երկրորդ փորձն էր: Երէկ` Մարտ 2-ին, կայացաւ նախագահի քուէարկութիւնը,  Խաչատուրեանի ընտրութեան համար հարկաւոր էր 81 ձայն, որ հնարաւոր չէր եղած ապահովել: