Չորեքշաբթի, 9 սեպտեմբերին, Ազգային միացեալ վարժարանին մէջ շարունակուեցաւ Պէյրութի նաւահանգիստի պայթումին պատճառով վնասներ կրած բնակարաններու ընտանիքներուն դրամական հատուցումներու յանձնման Լիբանանահայութեան վերականգնումի մարմինի ծրագիրը:
Նշենք, որ այսօր Ազգային միացեալ վարժարան այցելեց ՌԱԿ Լիբանանի Շրջանային վարչութեան ատենապէտ Տոքթ. Աւետիս Տաքէսեան, որ մօտէն ծանօթացած ու իր գնահատականը տուած է կատարուած աշխատանքներուն։
Յայտնենք, որ անցնող երեք օրերուն ընթացքին 745 բնակարաններու ընտանիքներուն կատարուեցան նիւթական յատկացումներ: Նշեալ աշխատանքին կը հսկեն Վերականգնումի մարմինին անդամները` գործակցութեամբ Ազգային առաջնորդարանի պաշտօնեաներուն:
Աշխատանքը պիտի շարունակուի յառաջիկայ օրերուն:
