Նախկին պատգամաւոր Արմէն Փամբուխչեանին յաջորդող թեկնածուն` Գոռ Երանեանը պիտի ստանձնէ մանտաթը: Այս մասին ան ըսած է NEWS.am-ի հետ զրոյցի ժամանակ:
«Մասնագիտութիւնս ու լեզուներու իմացութիւնս կ’ենթադրէ, որ ուշադրութեան կեդրոնս ըլլան տարածաշրջանային խնդիրները»,- ըսած է ան News.am-ին:
Գոռ Երանեանը 30 տարեկան է, ծնունդով Արարատի մարզի Դարակերտ գիւղէն է, անկուսակցական է:
Գոռ Երանեանը պատմաբան է, սորված է ԵՊՀ Պատմութեան բաժնէն ներս, ասփիրանթական ատենախօսութիւնը պաշտպանած է ԳԱԱ Պատմութեան հիմնարկէն ներս:
Պատմութեան հիմնարկի գիտաշխատող է, կ’աշխատի նաեւ Մաշտոցեան Մատենադարանի ու «ՍիւիլՆեթ»ի մէջ։
2017-2020 թուականներուն դասաւանդած է ԵՊՀ Պատմութեան բաժնէն ներս։
Յիշեցնենք, որ Արմէն Փամբուխչեանը պատգամաւորական մանթատէն զրկուած է` իր դիմումին համաձայն: Ան պիտի տեղափոխուի գործադիր՝ զբաղցնելով ԱԻ փոխնախարարի պաշտօնը:
