Վարչապետ Նիկոլ Փաշինեան հեռախօսազրոյց ունեցած է Ռուսաստանի նախագահ Վլատիմիր Փութինի հետ:
Հայաստանի վարչապետի աշխատակազմի տեղեկատուութեան եւ հասարակայնութեան հետ կապերու վարչութեան համաձայն՝ կողմերը քննարկած են Հայաստանին բնական կազի մատակարարման հետ կապուած հարցեր, տեղեկատուութիւն փոխանակած են Covid-19 համաճարակի դէմ պայքարի ուղղութեամբ տարուող քայլերու մասին: Նշուած է, որ երկու երկիրներու ալ իրավիճակը այդ առումով լիովին վերահսկելի է:
Փաշինեան շնորհակալութիւն յայտնած է ռուսական կողմին, Հայաստանէն Ռուսաստան բեռնափոխադրումներու անխափան կայացումը ապահովելու ուղղութեամբ ձեռնարկած քայլերուն եւ Ռուսաստանի սպառողներու իրաւունքներու պաշտպանութեան եւ մարդու բարեկեցութեան վերահսկման դաշնային ծառայութեան «Ռոսպոտրեբնադզոր»-ի հետ արդիւնաւէտ համագործակցութեան համար:
Կողմերը պաշտպանած են տեսակապի միջոցով Եւրասիական բարձրագոյն խորհրդի արտահերթ նիստ հրաւիրելու գաղափարը: Զրուցակիցները կարեւորած են ինչպէս երկկողմանի ձեւաչափով, այնպէս ալ ԵԱՏՄ-ի (եւրասիական տնտեսական միութիւն) ծիրէն ներս յաճախակի հաղորդակցութեան իրագործումը:
