ԱԺ-ն իր այսօրուայ աշխատանքները սկսաւ այս գիշեր հայ-ատրպէյճանական սահմանին զոհուածներու յիշատակը մէկ վայրկեան լռութեամբ յարգելով։
ԱԺ նախագահ Ալեն Սիմոնեան յայտնեց, որ ատրպէյճանական զօրքերը մի քանի ուղղութեամբ կրակ բացած են ՀՀ ուղղութեամբ, ունինք զոհեր եւ վիրաւորներ։
«Ստեղծուած իրավիճակում թէ՛ ժողովուրդը, թէ՛ քաղաքական ուժերը պէտք է լինեն մաքսիմալ (առաւելագոյն) միասնական։ Այս իրավիճակում չենք կարող քաղաքական տարաձայնութիւններին տեղ տալ»,–ըսած է ան։
Սիմոնեան յորդորած է հետեւիլ միայն պաշտօնական տեղեկատւութեան։
Ան յայտնած է նաեւ, որ ժամը 11-ին ԱԺ պիտի գայ ՀՀ վարչապետ Նիկոլ Փաշինեանը։ Այսօր նաեւ ԱԺ-ի մէջ նախագիծ պիտի ներկայացուի եւ քննարկուի ատրպէյճանական յարձակման վերաբերեալ։
Արծուիկ Մինասեանը յայտնած` այսօր իրենք Ազգային Ժողով եկած են, որպէսզի առաջարկեն մէկ կողմ մղել ընթացիկ օրակարգերը եւ քննարկել ստեղծուած իրավիճակը, երկիր ընելիքները։
