Պետական եկամուտներու կոմիտէն հրապարակած է 2022-ի 1000 խոշոր հարկատուներու ցանկը։ Հայաստանի ամենամեծ հարկատուն կը շարունակէ մնալ «Զանգեզուրի պղնձամոլիբդենային կոմբինատ»ը, ան տարեկան վճարած է մօտ 144 միլիառ դրամ հարկ:
Երկրորդ ամենամեծ հարկատուն «Գազպրոմ Արմենիա»-ն է, տարեկան վճարած 52,2 միլիառ դրամ հարկերով։
Երրորդ տեղը գրաւած է ծխախոտի արտադրութեամբ ու արտահանմամբ զբաղող «Գրանդ տոբակո»-ն է՝ 45 միլիառ դրամի չափով վճարած հարկերով։
Չորրորդ հորիզոնականին «Ինտերնեյշնլ Մասիս տաբակ» ընկերութիւնն է, 5–րդին ՝ «Ագարակի պղնձա-մոլիբդենային կոմբինատ»ը, վեցերորդ խոշոր հարկատուն «Ֆիլիպ Մորրիս Արմենիա»–ն է, «Մոբայլ սենթր արթ»ը եօթերորդն է, «Ջեյ թի այ Արմենիա»–ն ութերորդն է, «Սի փի էս էներջի գրուպ»-ը՝ իներորդը, խոշոր հարկատուներու տասնեակը կ’եզրափակէ «ՄՏՍ Հայաստան»ը։
Պետական եկամուտներու կոմիտէն յայտնած է, որ 1000 խոշոր հարկ վճարողներու կողմէ 2022-ի յունուար-դեկտեմբեր ամիսներու ընթացքին պետական պիւտճէ ընդհանուր առմամբ վճարուած է աւելի քան 1 թրիլիոն 490 միլիառ 115 միլիոն դրամ: Հարկային մարմին կատարուած վճարումներու գումարը կազմած է աւելի քան 1 թրիլիոն 185 միլիառ 839 միլիոն դրամ, իսկ մաքսային մարմին կատարուած վճարումներու գումարը՝ աւելի քան 304 միլիառ 275 միլիոն դրամ։
Խոշոր հարկատուներու ցանկը՝ այստեղ:
