Ֆրանսան «Քորոնա» ժահրին դէմ պատուաստի 25 հազար դեղաչափ ուղարկած է Հայաստան։ Այս մասին յայտնած է Հայաստանի մէջ Ֆրանսայի դեսպանատունը։ Հաղորդագրութեան մէջ նշուած է, որ սա պատուաստի առաջին խմբաքանակն է։
«Ֆրանսան Հայաստանի կողքին է ՝ համաճարակը դիմագրաւելու նպատակով», — նշուած է դեսպանատան տարածած հաղորդագրութեան մէջ։
Հայաստանին 200 հազար դեղաչափ պատուաստի նուիրատուութեան մասին 3 Օգոստոսին յայտնած էր Նախագահ Էմանուէլ Մաքրոնը: ՀՀ իշխանութիւններուն հետ համակարգմամբ պատուաստին մնացեալ առաքումները պիտի շարունակուին վաղը եւ գալիք շաբաթներուն ընթացքին:
