«Մենք պատրաստ չենք դուրս գալու ԵԱՏՄ-էն։ Գիտենք նաեւ, որ ԵԱՏՄ գործընկերները կը բարձրացնեն կողմնորոշուելու հարցը, բայց ես ըսած եմ՝ հանրաքուէի առարկայ այս պահուն գոյութիւն չունի։ ԵՄ-ին անդամագրուելու հարցով պէտք է որոշակի ընթացակարգերով անցնիլ»,- ըսած է վարչապետ Նիկոլ Փաշինեան եւ վստահեցուցած, որ բոլոր գործողութիւնները կը տանին անոր, որ 2027 կամ 2028-ին պաշտօնապէս դիմեն ԵՄ-ին անդամակցութեան լիարժէք գործընթաց սկսելու համար։
«Մանաւանդ եթէ գործող օրէնք կայ»,-ըսած է վարչապետը։
Անդրադառնալով ՀԱՊԿ գլխաւոր քարտուղարի յայտարարութեան, թէ ռուսական կողմը անդամավճար չմուծելու համար Հայաստանը հեռացնելու նախագիծ ներկայացուցած է, Նիկոլ Փաշինեան ըսած է. «Մեր հետաքրքրութիւնները սպառած են․ մենք ՀԱՊԿ-ի հետ կապուած այլեւս հետաքրքրութիւն չունինք»։
