Սուրիոյ մէջ ահաբեկիչները սպանած են Գամիշլիի Հայ Կաթողիկէ համայնքի հովուապետ Տէր Յովսէփ քահանայ Պետոյեանն ու անոր հայրը` Տէր Աբրահամ քահանայ Պետոյեանը:
Անոնք սպանուած են մեքենայով Տէր Զօր ուղեւորուելու ճանապարհին: Ինչպէս «Ազատութեան» փոխանցած է հովուապետի մանկութեան ընկեր Յակոբ սարկաւագ Պարսումեանը, ահաբեկիչները կրակ բացած են անոնց մեքենայի ուղղութեամբ:
Սարկաւագը ըսած է, որ հովուապետը ծնած եւ մեծցած է Սուրիոյ մէջ, Հայաստանի մէջ ձեռնադրուելէ ետք վերադարձած եւ ծառայութիւնը շարունակած է Սուրիոյ մէջ։
Ան նաեւ պատմած է, որ մեծ պայթում տեղի ունեցած է Գամիշլիի մէջ։ Assosiated press-ի հաղորդմամբ, ընդհանուր 3 պայթում որոտացած է, զոհերու թիւը ութն է, անոնց մէջհայեր չկան։
Սարկաւագը շեշտած է, որ այս պայթումներն ու սպանութիւնը իրար հետ կապ չունին։
