ԱՄՆ Ծերակոյտը արդարացուց Տանըլտ Թրամբը՝ վերջինիս պաշտօնանկութեան գործով քուէարկութեան ժամանակ, կը յայտնէ CNN-ը:
Երկրի նախագահը դեմոկրատներու կողմէ իրեն առաջադրուած 2 մեղադրանքներով ալ արդարացուեցաւ՝ ինչպէս իշխանութեան չարաշահման, այնպէս ալ Քոնկրեսի աշխատանքը խոչընդոտելու մասով:
Թրամբը իշխանութեան չարաշահման մասով մեղաւոր ճանչնալու օգտին քուէարկեց 48 քոնկրէսական՝ 47 դեմոկրատ եւ 1 հանրապետական՝ Միթ Ռոմնի: Թրամբը պաշտօնանկ ընելու համար անհրաժեշտ էր 67 ձայն:
Երկրորդ մեղադրանքի շուրջ քուէարկութիւնն աւարտեցաւ 53:47 յարաբերակցութեամբ: Հանրապետական ծերակուտական Միթ Ռոմնին այս կէտով քուէարկեց յօգուտ Թրամբի արդարացման:
Նշենք, որ ԱՄՆ նախագահ Տանըլտ Թրամբի` պաշտօնանկութեան գործով գլխաւոր քուէարկութիւնը տեղի ունեցաւ 5 փետրուարին` Ծերակոյտի մէջ (մեր ժամանակով՝ 6 փետրուարին):
Յիշեցնենք, որ Թրամբը պատմութեան մէջ երրորդ նախագահն է, որուն դէմ իմպիչմենթի (ամբաստանում) ընթացակարգ տեղի կ’ունենայ: Անոր դէմ երկու մեղադրանք առաջադրուած է՝ իշխանութիւնը չարաշահելու եւ Քոնկրեսի քննչական աշխատանքները խոչընդոտելու համար:
