ԱՄՆ նախագահ Ճօ Պայտընի կողմէ Հայոց ցեղասպանութեան ճանաչումէն ետք Թուրքիան պէտք է անյապաղ լիակատար վերահսկողութիւն հաստատէ «Ինճիրլիք» օդային ռազմակայանի վրայ եւ այնտեղ տեղակայուած ամերիկեան զօրքերը վերադարձնէ Միացեալ Նահանգներ: Այսպիսի կարծիք շաբաթ օր ԹԱՍՍ-ի թղթակցին տուած հարցազրոյցի ժամանակ յայտնած է «Հայրենիք» կուսակցութեան նախագահ Տողու Փերինչեքը:
«Թրքական զինուած ուժերը պէտք է անյապաղ լիակատար վերահսկողութիւն հաստատեն «Ինճիրլիք» ռազմակայանի վրայ եւ 15 օրուան ընթացքին տուն ուղարկեն այնտեղ գտնուող ամերիկացի զինուորականները»,- համոզուած է քաղաքական գործիչը:
Թուրքիոյ մէջ առաջին անգամ չէ, որ խօսակցութիւններ կը ծագին ամերիկեան զինուորականներու համար այս ռազմակայանը փակելու հաւանականութեան մասին: Սովորաբար Անգարայի նման հռետորաբանութիւնը կը ծագի Ուաշինկթընի կողմէ սպառնալիքներու լոյսի ներքոյ, սակայն այդ ուղղութեամբ գործը դեռ չէ հասած որեւէ յստակ քայլի:
