Արցախի Հանրապետութեան նորընտիր Նախագահ Արայիկ Յարութիւնեանի պաշտօնի ստանձնման նուիրուած Ազգային ժողովի յատուկ նիստը տեղի պիտի ունենայ 21 մայիս 2020-ին` ժամը 18:00-ին, Շուշիի մշակոյթի եւ երիտասարդութեան կեդրոնի դահլիճին մէջ։ Այս մասին յայտարարութեամբ հանդէս եկած է Արցախի Հանրապետութեան Ազգային ժողովի նախագահ Աշոտ Ղուլեանը
Աշոտ Ղուլեանի յայտարարութեան մէջ ըսուած է. «Ղեկավարուելով «Ազգային ժողովի կանոնակարգ» օրէնքի 45–րդ յօդուածով` կը յայտարարեմ`
Արցախի Հանրապետութեան նորընտիր Նախագահ Արայիկ Յարութիւնեանի պաշտօնի ստանձնման նուիրուած Ազգային ժողովի յատուկ նիստը տեղի պիտի ունենայ 21 մայիս 2020-ին` ժամը 18:00-ին, Շուշիի մշակոյթի եւ երիտասարդութեան կեդրոնի դահլիճէն ներս»:
