Երկուշաբթի, 14 Հոկտեմբեր 2019-ին Բերիոյ Հայոց Թեմի բարեջան Առաջնորդ Գերշ. Տէր Մասիս Եպս . Զօպուեան իր անդրանիկ այցելութիւնը տուաւ Թէքէեան մշակութային միութեան եւ արժանացաւ թէքէեանցիներու ջերմ ընդունելութեան:
Միութեան ատենապետ Կարապետ Շուշանեան ողջունեց սրբազան հօր այցելութիւնը եւ իր խօսքին մէջ կարեւորեց գաղութէս ներս համագործակցութեան պահպանումը:
Սրբազան հայրը ծանօթանալով միութեան կառոյցին ու գործունէութեան նոյնպէս վեր առաւ համագործակցութեան գաղափարը հայկական միութիւններու եւ կազմակերպութիւններու միջեւ:
Այս առիթով ատենապետը միութեան կողմէ սրբազան հօր նուիրեց Վահան Թէքէեանի «Գաղտնի Պարտէզ» գիրքը:
