Թուրքիոյ նախագահ Ռեճէպ Էրտողանի թիկնապահն ինքնասպան եղած է՝ վիրաւորանքներու եւ սպառնալիքներու մասին գրութիւն թողելով: Այն յայտնաբերուած է մահացածի տան մէջ, կը հաղորդէ Cumhuriyet-ը:
Անոր մարմինը յայտնաբերած են գործընկերները, որոնք տեսնելով որ վերջինս աշխատանքի չի գար եւ հեռախօսը անջատած է, անոր տուն գացած էիմ:
«Դուք շատ լաւ գիտէք ինչպէս ձեր աշխատակիցները վիրաւորել, սպառնալ, հեռացնել, դուք կը ստորացնէք եւ ստախօս կը հանէք: Իւրաքանչիւր տղամարդ արժանապատուութիւն ունի, եւ ես այդ խօսքերը չհանդուրժեցի»,-գրած է Էրտողանի թիկնապահ Պուլութը իր թողած գրութեան մէջ:
Ան նաեւ գրած է, որ չուզեր, որ իր թաղման ներկայ ըլլայ իր ղեկավարութենէն ինչ-որ մէկը:
Ընդդիմադիր Ժողովրդահանրապետական կուսակցութեան պատգամաւոր Մուրաթ Պաքանը ներքին գործոց նախարար Սուլէյման Սոյլուին հարցում ուղարկած է՝ պարզելու, թէ քանի ոստիկան ինքնասպան եղած է:
Անոր խօսքով՝ ոստիկաններու ինքնասպանութիւններու բոլոր պարագաներուն, որոնք հանրութեան յայտնի դարձած են, սպաները բողոքած են ղեկավարութեան կողմէ հետապնդումներէն:
