Թիֆլիսի քաղաքային խորհուրդը աջակցած է Թիֆլիսի քանի մը փողոցներու անուանակոչման: Կրծանիսի շրջանի Իլիա եւ Նինօ Նակաշիձէ փողոցներու գօտին կոչուած է դերասան Կախի Կաւսաձէի անունով: Այս մասին կը հաղորդէ jnews.ge-էն։
Աղբիւրին համաձայն՝ Մտածմինդա թաղամասի Կոտէ Մեսխիի նրբանցքը կոչուած է Սերկէյ Փարաջանովի անունով:
Սերկէյ Փարաջանովը ծնած է 1924-ին Թիֆլիս։ 1942-ին՝ աւարտելով միջնակարգ դպրոցը՝ ստանացած է աւարտական վկայական եւ ընդունուած Թիֆլիսի երկաթուղային փոխադրամիջոցներու ճարտարագիտական ուսումնարանի շինարարական բաժանմունք։ Մէկ տարի անց Փարաջանով հասկցած է, որ արուեստը աւելի շատ կը սիրէ եւ հեռացած է ուսումնարանէն եւ ընդունուած է 2 բարձրագոյն հաստատութիւն՝ Թիֆլիսի երաժշտանոցի վոքալի բաժինը եւ Օփերային թատրոնին կից գործող պարային ուսումնարանը։
1992 Սեպտեմբերին, Թիֆլիսի մէջ Փարաջանովի տան վրայ բացուած է անոր յուշատախտակը։ 2004, Նոյեմբեր 6-ին, Թիֆլիսի հին մասին մէջ դրուած է Փարաջանովի յուշարձանը (ցատկի ժամանակ)։
