Թուրքիան պետական գաղտնիքներ հրապարակելու համար երկու լրագրող բանտային ազատազրկման դատապարտած է:
OdaTV-ի լուրերու խմբագիր Միւյիսեր Եըլտըզը դատապարտուած է երեք տարի եօթ ամսուան ազատազրկման, իսկ Անգարայի TELE1-ի ներկայացուցիչ Իսմայիլ Զեքի Տիւքելը՝ նոյն մեղադրանքով մէկ տարի 15 օրուան ազատազրկման:
Եըլտըզը եւ Տիւքելը 12 յունիսին ձերբակալուած էին լրտեսութեան մեղադրանքով, սակայն հետագային անոնց մեղադրած են պետական գաղտնիքներ հրապարակելու մէջ՝ կապուած Լիպիա Թուրքիոյ ռազմական ներխուժման մասին հրապարակումներու հետ:
Զինուորական սպայ Էրտալ Պարանը նոյնպէս դատապարտուած է եօթ տարի վեց ամսուան ազատազրկման՝ Եըլտըզին ու Տիւքելին տեղեկութիւններ փոխանցելու համար, կը հաղորդէ T24-ը:
Թուրքիան աշխարհի մէջ ամենաշատ լրագրող բանտարկողներէն մէկն է: 2016-ին յեղաշրջման ձախողած փորձէն ետք իշխող «Արդարութիւն եւ զարգացում» կուսակցութիւնը ուժեղացուցած է ճնշումը այլախոհ լրագրողներու վրայ:
