Իսրայէլի կառավարութիւնը քուէարկած է երեք շաբաթով քարանթինի սահմանման օգտին, կը յայտնէ ՌԻԱ «Նովոսթի»-ն։
Ինչպէս կը գրէ պարբերականը, կառավարութեան որոշումը ուժի մէջ պիտի մտնէ 18 սեպտեմբերէն՝ ժամը 14:00-էն:
11 Սեպտեմբերին «Քորոնա» ժահրի կառավարական յանձնաժողովն առաջարկած է ամբողջական «լոքտաուն» սահմանել հրէական տօներու ժամանակ, որոնք կը սկսին 18 սեպտեմբերէն:
Առաջարկութիւնները կը ներառեն քաղաքացիներու տեղաշարժի սահմանափակումներ, կրթական հաստատութիւններու, ճաշարաններու եւ սրճարաններու փակում։ Սահմանափակումները չեն վերաբերիր կենսական անհրաժեշտ արտադրութիւններու փակման, կը հաղորդէ կառավարութեան մամուլի ծառայութիւնը:
