Իրանի իսլամական հանրապետութեան Չհարմահալ եւ Բախտիարի նահանգին մէջ գնտուող, երբեմնի հայահոծ Չհարմահալ գաւառի 17 գիւղերու հայկական գերեզմանատուներ ներգրաւուած են Իրանի ազգային ժառանգութեան ցուցակին մէջ: Այս մասին կը հաղորդէ «Ալիք»-ը՝ վկայակոչելով նահանգի Մշակութային ժառանգութեան եւ զբօսաշրջութեան հարցերով ղեկավար Մեհրթատ Ճաւատին կողմէ IRIBNEWS.IR-ին փոխանցուած տեղեկութիւնը։
Ընդգծելով երկրի հոգեւոր, ազգային ու մշակութային ժառանգութեան պահպանման կարեւորութեան հարցերը՝ Մեհրթատ Ճաւատին, մասնաւորապէս, շեշտադրած է Չհարմահալ եւ Բախտիարի գտնուող հայկական գերեզմանատուներու պատշաճ պահպանման, այդ տարածքներու կանաչապատման, լուսաւորութեան ապահովման, ճանապարհներու վերանորոգման անհրաժեշտութեան խնդիրները:
