ՀՀ նախագահ Վահագն Խաչատուրեանի հրամանագրով Լեւոն Դաւիդեանը նշանակուած է Հայաստանի Հանրապետութեան զինուած ուժերու գլխաւոր շտաբի հետախուզութեան գլխաւոր վարչութեան պետի տեղակալ:
«Հիմք ընդունելով վարչապետի առաջարկութիւնը՝ համաձայն Սահմանադրութեան 133-րդ յօդուածի 1-ին մասի, ինչպէս նաեւ «Զինուորական ծառայութեան եւ զինծառայողի կարգավիճակի մասին» օրէնքի 35.1-ին յօդուածի 1-ին մասի եւ 36-րդ յօդուածի 1-ին մասի 1-ին կէտի.
Լեւոն Դաւիդեանին նշանակել Հայաստանի Հանրապետութեան զինուած ուժերու գլխաւոր շտաբի հետախուզութեան գլխաւոր վարչութեան պետի տեղակալ»,-ըսուած է հրամանագրին մէջ:
Նշենք, որ գնդապետ Դաւիդեանը զբաղցուցած է Զինուած Ուժերու Գլխաւոր շտաբի հետախուզութեան գլխաւոր վարչութեան տեղեկատուական վերլուծական վարչութեան պետ-գլխաւոր վարչութեան պետի տեղակալի պաշտօնը։
Ի դէպ, Դաւիդեանն այն զինուորականներու շարքին էր, որոնք 2021-ի փետրուար 25-ին յայտարարութիւն տարածած էին` պահանջելով ՀՀ վարչապետ Նիկոլ Փաշինեանի հրաժարականը։
