ԱՀ պաշտպանութեան նախարարութիւնը կը յայտնէ, որ Խծաբերդ-Հին Թաղեր ուղղութեամբ դեռ կը շարունակէ անյայտ մնալ 73 մարդու ճակատագիր: Այս մասին կը յայտնէ ՊԲ-ն:
«Տարբեր լրատուամիջոցներով շարունակում են հակասական տեղեկութիւններ տարածուել Խծաբերդ-Հին Թաղեր հատուածում անյայտ կորած հայ զինծառայողների մասին: Մասնաւորապէս` շրջանառւում է ընդհուպ մինչեւ 171 հայ զինծառայողի մասին տեղեկատւութիւն, ինչը չի համապատասխանում իրականութեանը:
ԱՀ պաշտպանութեան նախարարութիւնը յայտնում է, որ նշուած ուղղութիւնում դեռեւս շարունակում է անյայտ մնալ 73 մարդու ճակատագիր: Միջադէպի առաջին իսկ ժամերից, ռուս խաղաղապահների աջակցութեամբ, տարւում են անյետաձգելի աշխատանքներ մեր զինծառայողների ճակատագրերը հնարաւորինս արագ պարզելու ուղղութեամբ:
Յաւելենք, որ խնդիրը տեղում ուսումնասիրելու եւ անհրաժեշտ գործողութիւններ ձեռնարկելու նպատակով Արցախի Հանրապետութիւն է մեկնել նաեւ ՀՀ ԶՈՒ ԳՇ պետ, զօրավար-գնդապետ Օնիկ Գասպարեանը։
Հանրութեանը պարբերաբար տեղեկատւութիւն կը տրամադրուի իրականացուող քայլերի եւ դրանց արդիւնքների վերաբերեալ»։
