Սփիւռքի ամենահայաշատ քաղաքի համբաւը ունեցող Կլենտէյլը նոր քաղաքապետ ունի` հայազգի Արտաշէս Քասախեանը:
Ան Քաղաքային խորհրդի կազմին մէջ ընտրուած է 2020 թուականին, մինչեւ այդ` տասնհինգ տարիէ աւելի, քաղաքապետարանի քարտուղարն էր:
Դեռ այդ տարիներէն ան շահած է քաղաքացիներուն համակրանքը` իբրեւ գործի գիտակ, պատրաստակամ ու արհեստավարժ գործիչ: Քաղաքային խորհուրդի հինգ անդամները քաղաքապետի պաշտօնը կը ստանձնեն հերթով:
Քասախեանը վստահ է, որ նոր պաշտօնին մէջ իր աշխատանքը շատ պիտի չփոխուի եւ ինք պիտի շարունակէ ծառայել քաղաքին ու բնակիչներուն` հաւատարիմ մնալով իր սկզբունքներուն:
