Հայաստանն ընդգրկուած է այն երկիրներու ցանկին մէջ, ուր աշնան կարելի է աւելի աժան հանգստանալ. այս մասին հաղորդած են ԹԱՍՍ-ի հարցման մասնակից զբօսաշրջային ընկերութիւններու ղեկավարները։
Աշնան համար առաւել մատչելի արտասահմանեան պտոյտները կը վաճառուին Ապխազիա, Եգիպտոս, Հայաստան, Իրան եւ Պահրէյն ուղղութիւններով։ Մէկ անձի համար դէպի Ապխազիա 1 շաբաթեայ փաթեթները կը կազմեն մօտ 395 տոլար, դէպի Եգիպտոս` մօտ 842 տոլար, դէպի Հայաստան` շուրջ 845 տոլար, իսկ Իրան` 1200 տոլար։
«Առաւել մատչելի կարելի է հանգստանալ նաեւ ԱՄԷ-ի եւ Թուրքիոյ մէջ։ Զբօսաշրջային ընկերութիւնները հոկտեմբեր 15-էն դէպի Թուրքիա եւ Ապխազիա պտոյտնետու գիներու սահուն նուազում կը նկատեն, այն պարագային, երբ դէպի Եգիպտոս, ԱՄԷ, Վենեզուելա եւ Մալտիւներ ուղեգրերու արժէքը կ’աճի սեզոնով պայմանաւորուած»,- կը հաղորդէ լրատուական գործակալութիւնը։
Յիշեցնենք, որ Հայաստանն իր կայուն տեղն ունի ռուսերու համար ամենապահանջուած ուղղութիւններու ցանկին մէջ, 2022 թուականի ամրան ալ դարձած է առաջատար։ Այս տարի Հայաստան առաջ անցած է Թուրքիայէն, Ղրղզստանէն, Ղազախստանէն եւ Յունաստանէն։
