Ստեփանակերտի մէջ արտակարգ պատահար մը գրանցուած է։ Լսելի դարձած է պայթում, որմէ անմիջապէս ետք ծագած է հրդեհ մը։
Այս մասին կը յայտնէ Արցախի Հանրապետութեան Ներքին Գործոց նախարարութեան մամլոյ խօսնակ Յունան Թադեւոսեանը։
Կը նշուի, որ պայթումն ու հրդեհը բռնկած է շինարարութեան մէջ գտնուող կառոյցի մը մէջ։
Մանրամասնութիւններուն մէջ կը հաղորդուի, որ պայթումը եղած է թթուածնային սարքաւորումներու գործարանի մը մէջ, որուն հետեւանքով ալ պայթած են թթուածին պարունակող տակառներ։
Դէպքին մասին հաղորդագրութիւն տարածած է Արցախի ԱԻՆ-ը տեղեկացնելով, որ կարելի եղած է հրդեհը մասնակիօրէն մարել եւ յորդորելով քաղաքացիներուն խուճապի չմատնուիլ։
