ՀՀ գլխաւոր դատախազ Արթուր Դաւթեանը բաւարարած է «Հոկտեմբեր 27»-ի քրէական գործը կարճելու մասին որոշման դէմ Անահիտ Բախշեանի փաստաբանի բողոքը: Այս մասին իր ֆեյսպուքեան էջին գրառում կատարած է ԱԺ նախկին պատգամաւոր Անահիտ Բախշեանը.
«Տեղեկացնում եմ, որ այսօր ստացել եմ 18․12․2019թ․ ՀՀ գլխաւոր դատախազին ուղղուած Հոկտեմբերի 27-ի քրէական գործը կարճելու մասին որոշման դէմ բողոքիս պատասխանը։ Այն բաւարարուել է իմ փաստաբան Զարուհի Մեժլումեանի գրագէտ, հիմնաւորուած, 37 էջից բաղկացած բողոքի հիման վրայ։ Սա նշանակում է, որ Հոկտեմբերի 27-ին ՀՀ պետութեան դէմ կատարուած ահաբեկչութեան կազմակերպիչների, հովանաւորների մասով կարճուած գործը նորից կը գնայ քննութեան: Այսինքն, սա նշանակում է, որ Հայաստանի Հանրապետութիւնը հանդէս է գալիս որպէս այդ պետական ահաբեկչութեան տուժող կողմ ու կանի ամէն ինչ՝ բացայայտելու համար մեր պետութեան թշնամիներին, դա լինի ներսից, թէ՝ դրսից։ Ակնդէտ հետեւելու ենք գործընթացին»։
