Արցախի մէջ մթերային խանութներուն մէջ առաջին հայեացքով ամէն ինչ կայ, մարդիկ աւելի հանգիստ գնումներ կը կատարեն, սակայն որոշ ապրանքատեսակներու պակասն արդէն կը նկատուի։
«Շաքարաւազի պակաս կայ, արդէն ծխախոտն էլ է պակասում, մնացածն ունենք։ Թէ որքան կը ձգուի, որքանով կը կարողանանք յաճախորդների պահանջը բաւարարել, դա չեմ կարող ասել»,- Արցախի հեռուստաընկերութեան թղթակցին ըսած է վաճառողուհիներէն Արմենուհի Պօղոսեանը։
Ան պատմած է, որ Ամանորին ընդառաջ տնտեսվարողները որոշ քանակութեամբ մթերք պահեստաւորած են. «Պաշար ունէինք՝ Նոր տարով պայմանաւորուած, դա փրկեց մեզ այդ իրավիճակում»։
Խանութին կից կը գործէ նաեւ հացի փուռ, որու շնորհիւ ալ հացի հետ կապուած խնդիր չեն ունեցած. «Եղել է ժամանակ, որ 20 ժամ աշխատել են մեր աշխատողները, որպէսզի բնակչութեանը ապահովենք հացով»։
Եթէ սնունդի եւ կենցաղային ապրանքներու հետ կապուած խնդիր չկայ, ապա այլ պատկեր է միրգի եւ բանջարեղէնի սպառման կէտերուն մէջ։ Տաղաւարները հիմնական դատարկ են։
Վաճառող Վլադիկ Աթաջանեանն ըսած է, որ թարմ ոչինչ ունին, վաճառելու ապրանք ալ գրեթէ չէ մնացած։
