Վերջին 24 ժամուան ընթացքին Կազայէն Իսրայէլի ուղղութեամբ 104 հրթիռ արձակուած է. անոնց մեծ մասը արձակած է պաղեստինեան Իսլամական ճիհատը՝ ՀԱՄԱՍ-ի փոքր մասնակցութեամբ, չորեքշաբթի առաւօտեան հաստատած է Իսրայէլի պաշտպանութեան բանակը:
Ինչպէս գրած է The Jerusalem Post-ը, ի պատասխան՝ Իսրայէլը հակազդած է մօտաւորապէս 16 օդային հարուածով՝ հիմնական ՀԱՄԱՍ-ի դիրքերը, որ խմբաւորումը պատասխանատւութիւն կրէ Կազայի մէջ տեղի ունեցողի համար:
Իսրայէլի պաշտպանութեան բանակի խօսնակ Տանիէլ Հակարին ըսած է, որ հակառակ առաւօտուան ժամը 5:30-ի սահմաններուն սկսած հրադադարին, «բոլոր տարբերակները սեղանի վրայ են», եթէ որեւէ պաղեստինեան խմբաւորում լրացուցիչ հրթիռներ արձակէ Իսրայէլի ուղղութեամբ:
