Ռայնիսի փողոցի թիւ 1 քառայարկ բնակելի շէնքի մասնակի փլուզման հետեւանքով բնակարանները կորսնցուցած բոլոր 9 ընտանիքներուն քաղաքապետարանը կացարան տրամադրած է Երեւանի հիւրանոցներէն մէկուն մէջ: Այս մասին «Ֆէյսպուք»-ի իր էջին գրած է Երեւանի քաղաքապետարանի տեղեկատւութեան եւ հասարակայնութեան հետ կապերու վարչութեան պետ Յովսէփ Կուբատեանը:
ԱԻՆ տեղեկատւութեան եւ հասարակայնութեան հետ կապերու վարչութիւնը իր հերթին տեղեկացուցած է, որ Ռայնիսի փողոցի շէնքի վթարային վիճակը ուսումնասիրելու նպատակով անօդաչու թռչող սարքերու միջոցով իրականացուած է օդային հետախուզութիւն եւ մշտադիտարկում։
Նշուած է, որ «Սեյսմիկ պաշտպանութեան տարածքային ծառայութիւն» ՊՈԱԿ-ը շէնքի բոլոր մուտքերուն եւ բնակարաններուն մէջ կատարած է ակնադիտական հետազօտութիւն։
