Հիմա, արդէն նախագահ ընտրուելու երկրորդ ժամկէտի համար նախընտրական քարոզչութեան ընթացքին, Տանըլտ Թրամբ կը նախատեսէ շատ աւելի երկար մնալ Սպիտակ տունը, կը գրէ CNN-ը:
«Մենք կը պատրաստուինք եկող չորս տարիներուն եւս յաղթել: Անկէ ետք մենք եւս չորս տարի ալ կը մնանք, քանի որ անոնք (դեմոկրատները-խնբ․) լրտեսեր են իմ քարոզարշաւը»,- ԱՄՆ նախագահի խօսքերը մէջբերած է հեռուստաալիքը:
«Ի հարկէ, այն, ինչ կ’առաջարկէ Թրամբը, արգիլուած է Սահմանադրութեամբ, որ կը սահմանափակէ նախագահի պաշտօնը երկու ժամկէտով»,- նշած է CNN-ը՝ ընդգծելով, որ եթէ Տանըլտ Թրամբ այս տարի պարտուի, ապա ան տեսականօրէն դարձեալ պիտի կարենայ առաջադրուիլ միայն 2024 թուականին:
Հեռուստաալիքը նաեւ պարզաբանած է, որ երբ կը խօսի իր քարոզարշաւը լրտեսելնուն մասին, Թրամբ նկատի ունի Հետաքննութիւններու դաշնային բիւրոն (FBI)՝ կապուած 2016-ին ԱՄՆ նախագահական ընտրութիւններուն Ռուսաստանի հնարաւոր միջամտութեան հետ:
