Ամերիկայի Միացեալ Նահանգներու Միշիկըն նահանգի Սաութֆիլտ քաղաքը ապրիլ 24-ը հռչակեց Հայոց ցեղասպանութեան զոհերու յիշատակի օր: Որոշումը ստորագրեց քաղաքապետ Քենսոն Սիլվերը։
Հայ դատի յանձնախումբը շնորհակալութիւն յայտնեց քաղաքային խորհուրդին՝ 1915 թուականի Հայոց ցեղասպանութեան 107-ամեակին հայ համայնքին միանալու համար։
«Ցեղասպանութիւններու շարքը պիտի շարունակուի, եթէ մենք մեղաւորները պատասխանատուութեան չենթարկենք»,- յաւելեց Միշիկընի հայ դատի յանձնախումբը։
Ապրիլ 24-ը Հայոց ցեղասպանութեան զոհերու յիշատակի օր հռչակուած է նաեւ Միշիկըն նահանգի մէկ այլ քաղաք՝ Ֆարմինկթոն Հիլզը:
