Հանրային ծառայութիւնները կարգաւորող յանձնաժողովի նախկին նախագահ, Երեւանի նախկին քաղաքապետ Ռոպերթ Նազարեանը ձերբակալուած է։
«Արմէնբրես»-ի հետ զրոյցի ժամանակ այս մասին ըսած է Յատուկ քննչական ծառայութեան մամուլի խօսնակ Մարինա Օհանջանեանը։
«Ռոպերթ Նազարեանը ձերբակալուած է ՅՔԾ-ի մէջ քննուող գործի շրջածիրէն ներս։ Առայժմ այլ մանրամասներ չեմ կրնար ըսել, բայց աւելի ուշ տեղեկութիւն կը տրամադրենք»,- նշած է Օհանջանեանը։
Ռոպերթ Նազարեանը 2001 յունուարէն մինչեւ 2003 յունիս զբաղցուցած է Երեւանի քաղաքապետի պաշտօնը, 2008-2018 թուականներուն զբաղցուցած է Հանրային ծառայութիւնները կարգաւորող յանձնաժողովի նախագահի պաշտօնը:
