Առնուազն 77 մարդ զոհուած է Թուրքիոյ հիւսիսային շրջաններուն մէջ տեղի ունեցած ջրհեղեղներու հետեւանքով: Այս մասին երկուշաբթի յայտարարած է կառավարութեան արտակարգ իրավիճակներու կառավարման վարչութիւնը:
«Ջրհեղեղի հետեւանքով զոհուած է 77 քաղաքացի (62 մարդ՝ Քասթամոնուի, 14 մարդ՝ Սինոփի եւ մէկ մարդ՝ Պարթինի մէջ)», — ըսուած է նախարարութեան յայտարարութեան մէջ:
Եօթ մարդ կը մնայ հիւանդանոցներուն մէջ:
Ուրբաթ Թուրքիոյ նախագահ Ռեճէպ Թայէպ Էրտողանը ջրհեղեղէն տուժած շրջանները բնական աղէտի գօտի յայտարարած է: Այնտեղ կը շարունակուին որոնողափրկարարական աշխատանքները, որոնց մէջ, ըստ Էրտողանի, ներգրաւուած է աւելի քան 4600 մարդ եւ աւելի քան 1000 միաւոր սարքաւորում:
