«Այն, ինչ տեղի կ’ունենայ, չի վերաբերիր միայն Հայաստանին, այլեւ ամբողջ տարածաշրջանին ու ամբողջ աշխարհին»: Այս մասին այսօր ֆրանսահայերու կազմակերպած հաւաքի ժամանակ յայտնած է Ֆրանսայի նախկին նախագահ՝ Ֆրանսուա Հոլլանտը:
«Տարիներէ ի վեր ռազմական գործողութիւններ տեղի ունեցած են շփման գծին վրայ, բազմաթիւ զոհեր եղած են: Այսօր, սակայն, մենք այլեւս չենք կրնար խօսիլ շփման գիծի երկայնքով լարուածութեան մասին, որ կը վերաբերի զինծառայողներուն: Մենք հիմա կանգնած ենք պատերազմի առջեւ, այո՛, իսկական պատերազմի: Այդ պատերազմը հրահրուած է Ատրպէյճանի կողմէ: Ան կ’ընթանայ Թուրքիոյ անթաքոյց աջակցութեամբ ու ներգրաւմամբ: Թուրքիան զէնք տրամադրած է, նաեւ նիւթական աջակցութիւն: Հիմա ալ փաստեր կան, որ սուրիական գրոհայինները անցած են Թուրքիայով՝ մասնակցելու ԼՂ-ի մէջ տեղի ունեցող պատերազմին»,- ըսած է Հոլլանտը:
Ան նշած է, որ Ֆրանսան պատասխանատուութեան իր բաժինը ունի, քանի որ ԵԱՀԿ Մինսքի խումբի համանախագահող երկիր է: Հոլլանտի խօսքով՝ Ֆրանսան միւս համանախագահներու՝ Ռուսաստանի եւ ԱՄՆ-ի հետ պէտք է Թուրքիոյ պարտադրեն վերջ տալ միջամտութեան, նաեւ միջազգային պատժամիջոցներ կիրառեն:
