Յունաստանի մէջ բախած են մարդատար ու բեռնատար գնացքները. կան տասնեակ զոհեր եւ վիրաւորներ

Տասնեակ քաղաքացիներ զոհուած են, երբ գնացքի մեծ արկած մը տեղի ունեցած է Յունաստանի Լարիսա քաղաքին մերձ։ Այս մասին լուր հաղորդող աղբիւրներ կը նշեն, որ արկածին հետեւանքով զոհուածներուն թիւը անցած է 35-ը եւ կան 100-է աւելի վիրաւորներ։ Կը նշուի նաեւ, որ Աթէնէն դէպի Թեսաղոնիկէ քաղաք ուղղուող գնացքին մէջ կային ուղեւորներ։  Արկածը պատահած է այն պահուն, երբ գնացքը բախած է բեռնատար այլ գնացքի մը, որուն հետեւանքով ալ իրենց հունէն դուրս եկած են 3 վակոններ։ Յունաստանի ԱԻՆ մարմիններ քննութիւն բացած են եղածին շուրջ։