ՀՀ վարչապետ Նիկոլ Փաշինեանը շնորհաւորական ուղերձ յղած է Ռուսաստանի Դաշնութեան կառավարութեան նախագահ Տմիթրի Մետվետեւին՝ ծննդեան օրուայ առթիւ: Այս մասին կը յայտնեն ՀՀ վարչապետի մամուլի ծառաիւթենէն:
Ուղերձին մէջ ըսուած է.
«Մեծարգոյ Տմիթրի Անատոլիի,
Թոյլ տուէք Հայաստանի Հանրապետութեան կառավարութեան եւ անձամբ իմ անունէն շնորհաւորել ձեզ ծննդեան օրուայ առթիւ:
Պետական բարձրագոյն պաշտօններուն ձեր բազմամեայ գործունէութիւնը մեծ յարգանք կը վայելէ ողջ աշխարհով եւ մասնաւորապէս, Հայաստանի մէջ: Ձեր հարուստ փորձը՝ որպէս ղեկավար եւ քաղաքական գործիչ, մեծապէս պահանջուած է ոչ միայն մեր երկիրներու միջեւ ռազմավարական յարաբերութիւններու զարգացման գործին մէջ, այլեւ ողջ եւրասիական տարածքով մէկ:
Մեծ յարգանքով կը վերահաստատեմ բարեկամական երկխօսութիւնը եւ համատեղ աշխատանքը շարունակելու եւ ամրապնդելու մեր պատրաստակամութիւնը՝ ի բարօրութիւն Ռուսաստանի եւ Հայաստանի ժողովուրդներուն:
Յարգելի Տմիթրի Անատոլիի,
սրտանց կը մաղթեմ ձեզ քաջառողջութիւն, անձնական երջանկութիւն եւ բարեկեցութիւն»:
